TORQUIS

TORQUIS

a Torquendo, quod eslet circulus tortus, Graec. ςτρεπτὸς. Unde quia ex annulis aut catellis Torques plexae erant, Catellae quoque dictae sunt. Ornamentum colli proprie: Sed et in brachio,

adeoque inter armillae genera reperitur. Torquem sane aemulabatur, nisi Torquis fuerit, quem Saxo depintig, Hist. Dan. l. 8. ubi de Gotrico, Detractum, inquit, lacerti torquem accersiti labris inseruit. Quem Refo confestim brachio applicans id cunctis aurô praeditum ostentabat. Vide Thom. Bartholin. de Armill. Veter. §. 4. Inter regia apud Persas insignia, quibus, ut et armillis aureis, acinacibus, aliisque, Satrapae a Regibus donabantur non raro, benevolentiae gratiaeque testandae causâ. Vide Barn. Brislonium de Regno Persar. l. 1. Idem apud Romanos inter dona olim militaria frequens fuit: Hinc L. Siccium Dentatum, Romanorum fortissimum, inter alia Torquibus tribus et octoginta donatum esle, docet A. Gellius, l. 2. c. 12. e quo corriges Val. Maximum, numerum insuper centenarium addentem. Erant aurem iuxta Vegetium, l. 2. c. 7. Torquati, duplares et simplares, Duplares dicebantur, qui ob virtutem duplas consequebantur annonas; Simplares, quibus una et semis annona tribuebatur. Ant. Thysius IC. Not. ad Gellium. Vide quoque Sigonium, de iure Rom. c. 15. C. Paschalius, cum coronae apud Romanos solis civibus darentur, torques iisdem cum auxiliaribus et externis communes fuisse, atque illis aureos, his argenteos datos esse, ibi pretii, hîc solius honoris ratione habitâ, observat, Coron. l. 7. c. 2. ex Plinio l. 33. c. 2. Vide quoque eum eiusdem l. c. 7. Sed et inter Deorum anathemata torques fuêre. Ita enim Galli, post cladem ab Aemilio acceptam, redintegratô cum Romanis bellô, Ariovistô duce, ex hostium exuviis suo Marti torquem aureum vovêre. Quod cum iterum frustra fuislet, Flaminius de torquibus eorum aureum Iovi troparum erexit etc. Bonfinius l. 6. Dec. 1. ex Floro, l. 2. c 4. cuius tropaei imaginem ac memoriam pulchre expreslam habemus in nummo veteri argenteo, cui haec verba inscripta, C. FLAMINI. G. F. ROMA. ut videre est in Fastis Goltzianis. Simile tropaeum, devictis iisdem, erexisle postea Marium, ex Plutarchi Caesare Rycquius notat, Comment. de Capitolio Rom. Nempe Gallos cum auro (quod in torquibus habebant) pugnare solitos, Torquatus indicio est, Plin. l. 33. c. 1. Vide Nonium in Torquis, Livium, l. 33. c. 40. ubi de praelio, quô Gallos caecidit Marcellus an. Urb. Cond. 554. Polybium, l. 2. ubi de Cornelio Cons. Boiorum victore etc. ut et voce Torquatus. Eisdem porro recentiori aevô insigniti Equites Militesque, qui ab Imperatoribus ius militare virtute meruêre suâ, ac Germanis Ritter, Italis Equites Aurati appellantur: de cuiusmodi Equi tum Ordinibus variis, vide Limnaeum de Iure Publ. Aliâ longe ratione Anthropophagorum Brasiliensium torques se habent, uti supra videre est, voce Semicinctium. Plura apud C. Barthium, Adversar. l. 8. c. 15. et Schefferum, Syntagin. de Antiquorum Torquibus.